بھارت کی جنوبی ریاست آندھرا پردیش کی ایک دواساز کمپنی کے پلانٹ میں دھماکے سے 13 افراد ہلاک اور 33 زخمی ہوگئے۔ یہ واقعہ ضلع اناکا پلی میں رونما ہوا۔

برطانوی خبر رساں ادارے کے مطابق ڈسٹرکٹ کلکٹر وجیا کرشنن نے بتایا ہے کہ ایسائنسیا ایڈوانسڈ سائنسز کے پلانٹ میں ہونے والے دھماکے کا سبب معلوم نہیں ہوسکا۔

40 ایکڑ پر محیط یہ پلانٹ 2019 سے کام کر رہا ہے۔ زخمیوں کو قریبی اسپتال منتقل کردیا گیا۔ دھماکا دوپہر کے کھانے کے وقت ہوا۔ دھماکے سے لگنے والی آگ پر بہت حد تک قابو پالیا گیا۔

آندھرا پردیش کے اِسی ضلع میں گزشتہ سال ساہتی فارما کے ایک سولوینٹ ری ایکٹر میں لگنے والی آگ سے جھلس کر 2 افراد ہلاک ہوئے تھے۔