محکمہ صحت خیبرپختونخوا کی میڈیکل ٹیم نے منکی پاکس سے متاثرہ مریض کے گھر اور علاقے کا دورہ کیا ہے اور مریض کے اسپتال سے فرار ہونے کی خبروں کی تردید کی ہے۔

محکمہ صحت کی ٹیم کا کہنا ہے کہ مردان کے علاقے منگا میں موجود منکی پاکس کے مریض کی حالت بہتر ہے، متاثرہ مریض کو ان کے گھر میں آئسولیٹ کیا ہوا ہے۔

منکی پاکس کے متاثرین کیلئے اسپتال مختص کردئے گئے

قبل ازیں، میڈیا پر خبریں دیکھنے کو ملی تھیں کہ مردان میں موجود منکی پاکس کا مریض اسپتال سے فرار ہوگیا ہے۔

تاہم، ڈائریکٹر پبلک ہیلتھ خیبرپختونخوا ڈاکٹر ارشاد روغانی نے آج نیوز کو بتایا کہ میڈیا پر جو پروپیگنڈا نیوز چل رہی تھی میں نے خود وہاں جاکر اس کی چھان بین کی ہے۔

منکی پاکس کیا ہے اور اس کا علاج کیسے ممکن ہے

محکمہ صحت کی ٹیم نے متاثرہ علاقے کی مسجد میں آگاہی پیغام بھی دیا۔ مریض کے خاندان اور محلے میں اسکریننگ بھی کی گئی، فی الحال کسی اور فرد میں علامات نہیں پائے گئے۔