جنوبی و وسطی غزہ پر اسرائیل کے تازہ حملوں میں مزید 20 فلسطینی شہید ہوگئے۔ ان میں 10 بچے بھی شامل ہیں۔ اسرائیلی طیاروں نے خان یونس کے علاقے الزویدہ کو نشانہ بنایا۔

دیر البلاح میں الاقصٰی مارٹرز اسپتال کے ذرائع نے بتایا کہ الزویدہ میں 15 فلسطینی صہیونی فوج کے حملے میں شہید ہوئے۔

غزہ سٹی میں شیخ رضوان نامی علاقے کے ایک مکان کو نشانہ بنایا گیا۔ خان یونس میں الزانہ کو توپ کے گولوں سے نشانہ بنایا گیا۔

ایک 6 سالہ فلسطینی بچہ اسرائیلی ڈرون کی چلائی ہوئی گولی سر میں لگنے سے شہید ہوا۔ یہ واقعہ خان یونس کا ہے۔

اس سے قبل اسرائیل نے لبنان میں ایک مکان کو نشانہ بنایا جس میں 10 افراد شہید ہوئے۔ اسرائیل پر جنگ بندی کے لیے دباؤ بڑھ رہا ہے مگر اس کے باوجود وہ فلسطینیوں پر اپنے حملے کم نہیں کر رہا۔