فرانس میں ایئر شو کے دوران ایک چھوٹا طیارہ سمندر میں گر کر تباہ ہوگیا، جس کے نتیجے میں پائلٹ ہلاک ہوگیا۔

خبر رساں ادارے کی رپورٹ کے مطابق فرانس کے جنوبی علاقے لاوندو میں ایئر شو کے دوران ایک فوگا میجسٹر طیارہ سمندر میں گر کر تباہ ہو گیا، حادثے میں 65 سالہ پائلٹ کی موت کی تصدیق ہو گئی ہے، جس کی لاش نکال لی گئی ہے۔ حادثے کی صورت میں پائلٹ کو باہر نکال پھینکنے والی سیٹ طیارے میں نہیں تھی۔

رپورٹ کے مطابق مذکورہ ایئر شو دوسری عالمی جنگ کے ایک بڑے واقعے کے اعزاز میں منعقد کیا گیا تھا۔

اس حوالے سے فرانسیسی حکام نے بتایا کہ حادثے کی وجوہات جانچنے کے لیے تحقیقات جاری ہیں۔