نوشہرہ کے علاقے حکیم آباد میں فجر کی نماز نہ پڑھنے پر بھائی نے بہن قتل کردیا۔

تفصیلات کے مطابق متقولہ کے باپ افغان مہاجر میوہ گلد نے پولیس کو بتایا کہ میں دیگر اہل وعیال کے ہمراہ گھر میں موجود تھا اور سب اپنے کمروں میں سورہے تھے۔

انہوں نے بتایا کہ ’میری بیٹی مسمات اسما اپنے کمرے میں سورہی تھی میرے بیٹے حمزہ صبح کی نماز کے لیے اسما کو اٹھانے گیا جس پر دونوں میں بحث وتکرار شروع ہوگئی۔

میوہ گلد نے بتایا کہ حمزہ نے طیش میں آکر اپنی بہن اسما پر فائرنگ کردی جس سے اس کی موت واقع ہوگئی۔ پولیس کے مطابق ملزم حمزہ موقع سے فرار ہوگیا جبکہ پولیس نے پستول برآمد کرلیا اور ملزم کی تلاش شروع کردی۔