9 مئی کے حوالے سے بشری بی بی سے راولپنڈی پولیس کی ٹیم نے تفتیش کا پہلا مرحلہ مکمل کرلیا۔

تفتیش خاتون کی موجودگی میں اڈیالہ جیل کے کانفرنس روم میں کی گئی، بشری بی بی سے راولپنڈی میں کئے گئے احتجاج اور احتجاج کا منصوبہ بندی بارے بھی سوالات کئے گئے۔

تفتیش کے دوران پولیس نے جمع شواہد کی بنیاد پربھی مختلف سوالات کئے۔

راولپنڈی پولیس کی ٹیم تفتیش کیلئے ایس پی فیصل سلیم کی سربراہی میں اڈیالہ جیل گئی تھی، ٹیم میں ڈی ایس پی سکندر،ڈی ایس پی شازیہ،انسپکٹر قیصر،یعقوب شاہ،حسنین علی ، ٹیم میں جی ایچ کیو گیٹ،ارمی میوزیم حملہ مقدمات کے تفتیشی افسران بھی شامل تھے۔

عدالت نے پولیس کوایک ہفتہ میں بشری بی بی سے تفتیش مکمل کرنے کی ہدایت کررکھی ہے، عدالت نے 12اگست کو بشری بی بی کی 12مقدمات میں ضمانت خارج کی تھی۔