لورالائی میں ڈیرہ غازی خان روڈ کے قریب ٹرک تیز رفتاری کے باعث بے قابو ہو کر موٹرسائیکل پر الٹ گیا، حادثے کے نتیجے میں موٹر سائیکل پر سوار 3 افراد جاں بحق ہوگئے۔

بلوچستان کے ضلع لورالائی میں ڈیرہ غازی خان روڈ روڈ نزد المدینہ ہوٹل کے موڑ پر سبزی سے لوڈ مزدا ٹرک تیز رفتاری کے باعث بے قابو ہوکر موٹرسائیکل پر الٹ گیا۔

حادثے میں موٹر سائیکل پر سوار 3 نوجوان موقع پر جان کی بازی ہار گئے، جن کی شناخت اسد خان ولد نصرالدین، کلیم اللہ ولد حاجی فیض محمد اور محمد اسلم ولد عبدالجبار کے نام سے ہوئی ہے۔

ریسکیو حکام کا کہنا ہے کہ حادثہ ٹرک کی تیزرفتاری کے باعث پیش آیا جبکہ لاشوں کو ٹیچنگ اسپتال لورالائی منتقل کر دیا گیا۔