بھارت کی ریاست تلنگانہ میں مور کے گوشت کی ڈش بنانے والے یوٹیوبر کو پولیس نے گرفتار کرلیا۔ کوڈم پرنے کمار نے مور کے گوشت کا سالن بنایا اور اس حوالے سے ویڈیو بھی شیئر کردی۔

کوڈم پرنے کمار نے کہا ہے کہ اس کا ارادہ لوگوں کو مور کا گوشت پکانے کی ترغیب دینا نہیں تھا بلکہ وہ تو محض انفرادیت کا مظاہرہ کر رہا تھا۔ اُس نے پولیس کو بتایا کہ وہ اپنے یوٹیوب چینل پر ایسی چیزیں پیش کرنے کاعادی ہے جن میں لوگ دلچسپی لیں یا دیکھ کر حیران رہ جائیں۔

کوڈم پرنے کمار کی ویڈیو دیکھ کر بہت سے لوگوں نے تبصرے میں لکھا کہ جنگلی حیات خطرے میں ہے، حکومت کیا سور رہی ہے۔ ان کا کہنا تھا کہ مور کے گوشت سے کوئی ڈش بناکر پیش کرنا انتہائی شرم ناک ہے۔ پہلی بات تو یہ ہے کہ مور انتہائی خوبصورت پرندہ ہے جسے ماحول کی خوبصورتی بڑھانے کے لیے اللہ کا تحفہ قرار دیا جاسکتا ہے۔ اور دوسری بات یہ ہے کہ مور بھارت کا قومی پرندہ بھی ہے۔