مانسہرہ میں سیلابی ریلے سے متاثرہ مہانڈری پل تعمیر ہوگیا جبکہ شاہراہِ کاغان کو 14 دن بعد شمالی علاقہ جات اور ناران کے لیے کھول دیا گیا۔

مہانڈری کے مقام سے پل سیلابی ریلہ میں بہہ جانے سے وادی کاغان کا رابطہ بالاکوٹ سے منقطع تھا۔

پل کا افتتاح ممبر قومی اسمبلی سردار محمد یوسف، کیپٹن صفدر اور دیگر نے کیا، افتتاح کے موقع پر بیل صدقہ کیا گیا اور مٹھائی تقسیم کی گئی۔

شاہراہِ کاغان کی بندش سے ہوٹل انڈسٹری کو کروڑوں روپے کا نقصان اٹھانا پڑا۔

مانسہرہ: مہانڈری میں سیلابی ریلا 16 دکانیں بہا کر لے گیا، ماں بیٹا جاں بحق

کاغان ویلی میں متعدد مقامات پر پگھلنے والے گلیشیرز کو توڑنے کا عمل جاری

یاد رہے کہ حالیہ مون سون کی بارشوں نے کاغان ویلی میں تباہی مچادی تھی، جس سے منور کے رہائشی ماں بیٹا جاں بحق جبکہ مہانڈری میں 16 دکانیں بھی دریا اور منور نالہ اپنے ساتھ بہا کر لے گیا تھا، شاہراہ کاغان پر مہانڈری کے مقام پر قائم پل ٹوٹنے سے کئی سیاح اور مقامی افراد کاغان ویلی میں محصور ہوگئے تھے۔

منور ویلی میں چھوٹے 12پل ٹربائن جبکہ وادی کی گئی رابط سڑکیں بھی ٹوٹ گئی تھیں اور درجنوں ٹراؤٹ ٹراؤٹ فش فارمز ٹوٹنے سے کروڑوں کا نقصان ہوا تھا۔