خیبرپختونخوا حکومت نے ایم ڈی کیٹ انٹری ٹیسٹ کی فیس میں اضافہ واپس لینے کا مطالبہ کیا ہے۔

صوبائی وزیر برائے اعلیٰ تعلیم مینا خان آفریدی نے صدر ایم ڈی کیٹ پروفیسر ڈاکٹر رضوان تاج کے نام خط لکھ دیا ہے جس میں میڈیکل کالجز کے داخلے کے لئے انٹری ٹیسٹ کی فیس میں حالیہ اضافے پر تشویش کا اظہار کرتے ہوئے فیس کم کرنے کی درخواست کی ہے۔

ایم ڈی کیٹ کیا ہے اور اس کے دو ورژن کیوں ہیں؟

خط میں کہا گیا کہ میڈیکل کالجز میں داخلے کے لئے انٹری ٹسٹ فیس 6000 سے بڑھا کر 8000 کردی گئی جبکہ انٹری ٹیسٹ میں فی امیدوار پر اخراجات 1500 روپے سے 2000 روپے آتے ہیں۔

ایم ڈی کیٹ میں نقل کی جدید ڈیوائسز دیکھ کرامتحانی عملہ حیران

صوبائی وزیر برائے اعلی تعلیم نے خط میں کہا کہ صوبہ طویل عرصے سے جنگ زدہ اور غیر مستحکم صورت حال کا شکار ہے۔ غریب طلبہ کے لیے بھاری فیس ادائیگی مشکل ہے۔ جس کی وجہ سے کئی غریب طلبہ ٹیسٹ نہیں دے پاتے، اس لئے فیس میں اضافہ واپس لیکر کر سابقہ فیس بھی کم سے کم رکھی جائے تاکہ غریب خاندانوں کو فائدہ ہو اور تعلیم کو فروغ ملے۔