اسلام آباد میں بلدیاتی انتخابات 29 ستمبرکوہوں گے، الیکشن کمیشن نے تفصیلات جاری کر دیں ۔

تفصیلات کے مطابق بلدیاتی انتخابات کیلئےریٹرننگ افسرپبلک نوٹس آویزاں کریں گے کاغذات نامزدگی 16 سے 20 اگست تک جمع کرائے جاسکیں گے جبکہ بلدیاتی انتخابات 29 ستمبرکوہوں گے۔

الیکشن کمیشن نے کہا کہ ایگزیکٹیواتھارٹی اسلام آباد میں کسی نئی اسکیم کااعلان نہیں کریں گی۔

الیکشن کمیشن کی جانب سے امیدواروں کے لیے کاغذات نامزدگیاں جمع کروانے کے لیے 4 روز دیے گئے ہیں، امیدواروں کی لسٹ 21 اگست کو شائع کی جائے گی، کاغذات نامزدیوں کی جانچ پڑتال 22 سے 26 اگست تک کی جائے گی۔ جبکہ ریٹرننگ افسران کے فیصلوں کے خلاف 26 سے 29 اگست تک اپیلیں دائرکی جا سکیں گی۔

ایپلٹ ٹریبونلز تین ستمبر تک اپیلوں پر فیصلہ ہی کریں گے، امیدواروں کی حتمی فہرست چار ستمبر کو شائع کی جائے گی، امیدواروں کو انتخابی نشانات 6 ستمبر کو الاٹ کیے جائیں گے ۔