اسلام آباد ہائیکورٹ نے پی ٹی آئی رہنما شہباز گل کے بھائی غلام شببر کی بازیابی کی درخواست پر سماعت کا تحریری حکم نامہ جاری کردیا ہے جس میں کہا گیا ہے کہ جبری گمشدگی کی تمام تر ذمہ داری وزیراعظم اور کابینہ پر عائد ہوتی ہے۔

اسلام آباد ہائیکورٹ نے غلام شبیر کو بازیاب کرا کر چھ اگست تک عدالت میں پیش کرنے کا حکم دیا ہے اور حکم نامے کی کاپی وزیراعظم کو بھیجنے کی ہدایت کی ہے۔

حکمنامے میں کہا گیا کہ غلام صابر کی بازیابی کیلئے اقدامات نہیں کئے گئے، تمام اداروں کے نمائندوں نے یک زبان ہو کر مغوی کے ٹھکانے سے لاعلمی کا اظہار کیا۔

حکم نامے میں ہدایت کی گئی کہ وزیراعظم ہنگامی اقدامات کے ذریعے جبری گمشدگی کے اس مکروہ عمل کا سدباب کریں۔