بنگلہ دیش کرکٹ بورڈ نےکسی طرح کےبھی سیکیورٹی تحفظات کا اظہارنہیں کیا، بنگلہ دیش کرکٹ بورڈ کےسیکیورٹی کنسلٹنٹ کی درخواست پرپی سی بی کا ردعمل سامنے آگیا ۔

ذرائع کے مطابق بنگلہ دیش اے کرکٹ ٹیم 7 اگست کو اسلام آباد پہنچ رہی ہے، بنگلہ دیش اے ٹیم کے ساتھ کوئی سیکیورٹی کنسلٹنٹ یا سیکیورٹی مینجر نہیں ہے بی سی بی نے ٹیسٹ ٹیم کے لیے اپنی حکومت کو سیکورٹی کنسلٹنٹ کےلیےدرخواست کی ہے۔

ترجمان پی سی بی کا کہنا ہے کہ سیکیورٹی مینیجرزیا کنسلٹنٹس اب پلئیراسپورٹ اسٹاف کا حصہ ہوتےہیں، کنسلٹنس بالکل ایسےہی حصہ ہیں جیسے میڈیا مینیجر اورٹیم ڈاکٹرحصہ ہوتا ہے آئی سی سی مینزسیریز اورباہمی سیریزمیں سیکیورٹی مینجرزٹیم کےہمراہ ہوتے ہیں۔

ترجمان نے مزید بتایا کہ بنگلہ دیش کرکٹ بورڈ کا سیکیورٹی کنسلٹنٹ کوٹیم منجمنٹ کا حصہ بنانا چاہتا ان کا اختیارہے، اب تک بنگلہ دیش کرکٹ بورڈ نےکسی طرح کےبھی سیکورٹی تحفظات کا اظہارنہیں کیا۔ بنگلہ دیش کے ساتھ سیکیورٹی پلان گزشتہ ماہ شئیر کیا جا چکا ہے پلان کے حوالے سے نہ تو کوئی مزید درخواست کی گئی نہ ہی کوئی سوال اٹھایا گیا ہے۔