بھارتی شہر ممبئی سے تعلق رکھنے والی فرزانہ بی بی بچوں کی حوالگی کیلئے لاہور ہائیکورٹ پہنچ گئی۔ بچوں کی یاد میں سسکتی خاتون نے چیف جسٹس لاہور ہائیکورٹ اور وزیر اعلیٰ مریم نواز سے بچوں کی حوالگی کی درخواست کی ہے۔

بھارتی خاتون فرزانہ بی بی بچوں کی تڑپ میں لاہور ہائیکورٹ کے در پر پہنچ گئی۔ کہتی ہیں 9 سال قبل ابو ظہبی میں پاکستانی شہری مرزا یوسف الہی سے شادی ہوئی اور 2018 میں دونوں بچوں کے ہمراہ شوہر کی فرمائش پر پاکستان آئی۔ شوہر نے دونوں بچے چھین لیے اور چاہتا ہے کہ میں بچوں کے بغیر واپس چلی جاؤں۔

فرزانہ بی بی کی وکیل بشریٰ قمر کہتی ہیں کہ ایک ماں اپنے بچوں کیلئے در در پھر رہی ہے، شوہر کے دوستوں کی جانب سے بھی فرزانہ کو ہراساں کیا جاتا ہے۔

یہ بھی پڑھیں :

پاکستانی نوجوان سے آن لائن نکاح کرنے والی بھارتی لڑکی مشکل میں پھنس گئی

بھارت میں ہندو لڑکی 3 بچوں کے باپ مسلمان کی دوسری بیوی بن گئی

سیما کے بعد ایک اور پاکستانی لڑکی بچے چھوڑ کر اپنے محبوب کیلئے بھارت جا پہنچی

دوران سماعت لاہور ہائیکورٹ نے ڈی پی او شیخوپورہ کو بچوں کو چھیننے میں ملوث شخص کو پیش کرنے کا حکم دیا اور ایف آئی اے کو بھی بچوں کی حوالگی کیلئے ہرممکن اقدام کی ہدایت کرتے ہوئے سماعت 15 اگست تک ملتوی کر دی۔