لاہور سے کراچی جانے والی خیبر میل کا ساہیوال کے قریب پاور انجن فیل ہوگیا، گرمی اور حبس کی وجہ سے ٹرین میں مسافر خواتین اور چھوٹے بچے شدید پریشان ہیں۔

تفصیلات کے مطابق لاہور سے کراچی جانے والی 2 ڈاؤن خیبر میل ایکسپریس کا پاور انجن ساہیوال کے قریب فیل ہوگیا جبکہ پاور انجن بند ہونے سے ٹرین میں سوار مسافر پسینہ سے شرابور ہوگئے۔

مسافروں کا کہنا ہے کہ گرمی اور حبس سے بچنے کے لیے مہنگی ٹکٹ خریدی، ٹرین میں مکمل پاور ڈاؤن سے اے سی اور پنکھے بند ہو گئے۔

خواتین اور چھوٹے بچے گرمی سے شدید پریشان ہیں جبکہ مسافروں نے ریلوے حکام سے فوری نوٹس لینے کا مطالبہ کردیا۔