پولٹری ایسوسی ایشن نے پنجاب سے دیگر صوبوں کو مرغی کی سپلائی پر پابندی کے پنجاب حکومت کے حکم کو لاہور ہائیکورٹ میں چیلج کر دیا۔

پنجاب سے مرغی کی ترسیل پر پابندی کو لاہور ہائیکورٹ میں چیلنج کر دیا، پولٹری ایسوسی ایشن نے پنجاب حکومت کا اقدام چیلنج کیا۔

پولٹری ایسوسی ایشن نے درخواست میں مؤقف اپنایا کہ پنجاب سے مرغی دوسرے صوبوں میں نہیں جانے دی جا رہی، چکن کی 80 فیصد پیداوار پنجاب میں ہوتی ہے، بلوچستان اور خیبرپختونخوا میں مرغی کی قیمت آسمان پر جا چکی ہے۔

600 کلو مردہ گوشت سپلائی کرنے والے ملزمان کی ضمانت کی درخواست مسترد

لاہور: مردہ مرغیاں بیچنے والی دکانیں مستقل طور پر سیل کرنے کا حکم

درخواست میں مزید کہا گیا ہے کہ پنجاب سے چکن کی نقل وحرکت نہ ہونے سے مرغی کا کاروبار کرنے والوں کو نقصان ہو رہا ہے، بین الصوبائی مسائل دیکھنا وفاقی حکومت کی ذمہ داری ہے۔

پاکستانی پولٹری ایسوسی ایشن نےعدالت سے استدعا کی ہے کہ پنجاب سے چکن کی نقل وحرکت کی پابندی کو کالعدم قرار دیا جائے۔