ساہیوال کے علاقے شادمان ٹاؤن میں ڈاکوؤں نے ڈکیتی مزاحمت پر دکاندار کو قتل کردیا، سی سی ٹی وی فوٹیج آج نیوز نے حاصل کر لی۔

ساہیوال کے علاقہ شادمان ٹاؤن میں دو موٹرسائیکل سوار مسلح ڈاکوؤں نے کریانہ اسٹور پر ڈکیتی کی واردات کی ، دکاندار ابراہیم خان نے مزاحمت کی تو ڈاکوؤں نے ٹانگ اور سر پر گولی ماردی ۔

مبینہ طور پر 3 لاکھ کے قریب نقدی لوٹ کر فرار ہوگئے، واقعہ کی سی سی ٹی وی فوٹیج بھی منظرعام پر آ گئی، جس میں ڈاکوؤں کو لوٹ مار کے بعد فائرنگ اور قتل کرکے فرار ہوتے واضح دیکھا جاسکتا ہے، پولیس نے واقعے کی تفتیش شروع کردی ہے۔