Aaj News

جمعہ, اکتوبر 18, 2024  
14 Rabi Al-Akhar 1446  

ایلون مسک نے جنس بدلنے والے بیٹے کو مردہ قرار دیدیا، ’دھوکہ ہونے کی شکایت

ایلون مسک کی جانب سے اپنے بیٹے کی موت کے حوالے سے انٹرویو میں تذکرہ کیا گیا تھا
اپ ڈیٹ 23 جولائ 2024 05:05pm
تصویر بذریعہ: انٹرنیٹ/ فائل فوٹو
تصویر بذریعہ: انٹرنیٹ/ فائل فوٹو

ایلون مسک اپنے بچے کی موت پر بول پڑے ہیں جبکہ اولاد کی علامتی موت کا ذمہ دار دماغی وائرس کو قرار دے دیا ہے۔

تفصیلات کے مطابق ٹیسلا اور اسپیس ایکس کے سی ای او کی جانب سے کہنا تھا کہ ان کے ایک بیٹے کی علامتی موت ہوگئی تھی، ساتھ ہی ایلون مسک نے وائرس کو تباہ کرنے کا اعادہ بھی کرلیا ہے۔

انٹرویو کے دوران ایلون مسک کا کہنا تھا کہ یہ میرے ایک بڑے بیٹے کے ساتھ ہوا ہے، مجھے بنیادی طور پر میرے ایک بڑے بیٹے کے لیے دستاویزات پر دستخط کرا کر دھوکہ دیا گیا تھا۔

ان کا مزید کہنا تھا کہ یہ سب اس وقت ہوا جب مجھے اس سب کی سمجھ ہی نہیں تھی۔ ایلون مسک کے مطابق ان دنوں کورونا کی وبا پھیلی ہوئی تھی، جس کے باعث پریشان کن صورتحال تھی اور مجھے بتایا گیا تھا کہ بیٹا ژاوئیر خودکشی کر سکتا ہے۔

جس پر میزبان نے بھی تصحیح کرتے ہوئے کہا کہ جی! وہ ایک جھوٹ تھا۔

میزبان کی بات کو آگے بڑھاتے ہوئے ایلون مسک کا کہنا تھا کہ یہ ایک شیطانی عمل تھا، میں آپ کی بات سے سہمت ہوں، ایسے لوگوں کو جیل بھیجنا چاہیے۔

ایلون مسک دنیا کے امیر ترین شخص نہیں رہے، اُن کی جگہ کس نے لی؟

ٹیسلا کے سربراہ کے مطابق ان کے بیٹے کو بلوغت سے متعلق ’پوبرٹی بلاکرز‘ دیے گئے تھے، جس کے بارے میں انہیں بتایا گیا تھا کہ یہ محض نس بندی کے ڈرگس ہیں۔

جس کے بعد میں نے اپنے بچے کو کھو دیا، جبکہ ڈاکٹرز اسے ’ٹرانس ڈاٹر‘ یعنی ٹرانس بیٹی قرار دے رہے تھے، جبکہ ایلون مسک کا کہنا تھا کہ اسے ڈیڈ نیمنگ قرار دیا جا رہا تھا کیونکہ وہ مر چکا تھا۔ میرا بیٹا ژاوئیر جاگتے ہوئے دماغی وائرس سے مرگیا۔

ساتھ ہی ایلون مسک نے اس وائرس کے خلاف اقدامات اٹھانے کا اعادہ بھی کیا ہے۔

Elon Musk

Virus

Son

father

Died

trans daughter