مہنگائی کا عذاب اور بڑھتی ہوئی لوڈ شیڈنگ کا مقابلہ کرنے کے لئے استعمال ہونے والے یو پی ایس کی بیٹریاں بھی خرید سے باہر ہو نے لگیں گزشتہ سال 29 ہزار میں ملنے والی بیٹری 35 ہزار میں فروخت ہونے لگی۔

گرمی کے سیزن میں یو پی ایس بیٹریوں کی قیمتوں میں اضافہ ہوا ہے۔ شہری پرانی بیٹریاں بنوانے لگے۔ رواں سال نئی بیٹریوں کی قیمتیں تین سے پانچ ہزار روپے بڑھ گئیں ہیں۔ گزشتہ سال 29 ہزار میں ملنے والی بیٹری 35 ہزار میں فروخت ہونے لگی۔

شہری کہتے ہیں گرمی اور طویل لوڈشیڈنگ ہے کیا کریں بس مرمت شدہ بیٹری پر دس سے 15 ہزار کے خرچے میں گرمی کا سیزن کام کرجاتی ہے۔ گرمی، لوڈشیڈنگ اور مہنگائی سے پریشان عوام دس سے پندرہ ہزار روپے میں تیار ہو جانے والی پرانی بیٹریوں پر ہی کام چلانے لگے۔