شہرِ قائد میں دہشت گردی کے واقعات کا تسلسل برقرار ہے۔ جرائم پیشہ عناصر دندناتے پھر رہے ہیں، انہیں لگام دینے کی کوششیں بہت حد تک غیر موثر ثابت ہو رہی ہیں۔

جمعہ کی صبح کراچی میں واٹر پمپ کے فلائی اوور پر فائرنگ سے پولیس اہلکار شدید زخمی ہوگیا۔ یوسف کو قریبی اسپتال منتقل کردیا گیا۔

یہ معلوم نہیں ہوسکا کہ حملہ آور کون تھے اور حملے کا مقصد کیا تھا۔ پولیس کا کہنا ہے کہ موقع پر موجود شواہد سے مدد لی جارہی ہے۔ عینی شاہدین کے بیانات کی روشنی میں تحقیقات کی جارہی ہے۔

کراچی کے بیشتر پُلوں اور فلائی اوورز پر صبح کے اوقات پر غیر معمولی رش ہوتا ہے۔ پُلوں سے گزرنے والوں میں موٹر سائیکلوں پر ڈیوٹی کے لیے جانے والوں کی تعداد زیادہ ہوتی ہے۔