سابق فیڈرل بورڈ آف ریونیو کے چیئرمین شبر زیدی نے کہا ہے کہ وفاقی حکومت اور سندھ میں بیٹھے لوگ ”ڈفر“ ہیں۔

آج نیوز کے پروگرام ’نیوز ان سائٹ‘ پر انٹرویو دیتے ہوئے انہوں نے کہا کہ ”وہ ڈفر ہیں کیونکہ وہ نہیں سمجھتے کہ غیر ارادی طور پر نسل کشی کر کے انہوں نے معیشت کو تباہ کر دیا۔“

’کراچی کی معاشی نسل کشی“ سے متعلق ایک سوال کے جواب میں انہوں نے مزید کہا کہ “میں کہہ رہا ہوں کہ معاشی نسل کشی نہیں ہو رہی، لیکن ہم اس کی طرف بڑھ رہے ہیں، اس نسل کشی کا مرتکب بھی ہے، مجھے بتائیں کہ کس شہر میں 6 چھاؤنیاں ہیں اور رینجرز پچھلے 20 سال سے شہر میں موجود ہے؟ پانی کس شہر میں ہائیڈرنٹس کے ذریعے فروخت کیا جاتا ہے؟ مجھے بتائیں کہ کس شہر کی 80 سڑکیں ٹوٹی ہوئی ہیں۔

انہوں نے مزید کہا کہ جب تک کراچی ترقی نہیں کرتا پاکستان ترقی نہیں کرے گا، کراچی سے دشمنی کی وجہ سے انہوں نے غیر ارادی طور پر پاکستان کو نقصان پہنچایا۔

شبر زیدی نے مزید کہا کہ 1990 میں پاکستان اور ویت نام کی برآمدات 10 ارب ڈالر تھیں لیکن آج ویتنام کی برآمدات 600 ارب ڈالر اور پاکستان کی 30 ارب ڈالر ہیں۔

انہوں نے دعویٰ کیا کہ اس قسم کی صورتحال نسل کشی ہے، اگر آج میں آرٹیکل 2C کے تحت کیس دائر کرتا ہوں تو میں جیت جاؤں گا لیکن میں جیتنا نہیں چاہتا، میں ان کے ساتھ رہ کر انہیں دکھانا چاہتا ہوں کہ وہ ڈفر ہیں۔

ان کا کہنا تھا کہ ملک میں ٹیکس کو شہری موضوع سمجھا جاتا ہے اور کتنے قصاب اور دودھ بیچنے والوں نے ٹیکس ادا کیا۔ پاکستان میں چھوٹے شہروں سے نہیں بڑے شہروں سے ٹیکس وصول کیا جا سکتا ہے۔

شبر زیدی نے مزید کہا کہ وزیراعظم شہباز شریف جو لاہور چیمبر آف کامرس اینڈ انڈسٹری کے سربراہ رہ چکے ہیں، تمام دکانداروں کو ٹیکس نیٹ میں آنے کا کہہ سکتے ہیں کیونکہ ملک مشکل وقت سے گزر رہا ہے۔