کوئٹہ کے نواحی علاقے اختر آباد مغربی بائی پاس پر دھماکے میں دو افراد زخمی جن میں سے ایک زخمی کی حالت تشویشناک بتائی جاتی ہے۔

پولیس کے مطابق ہفتہ کو کوئٹہ کے علاقے مغربی بائی پاس پر اختر آباد کے مقام پر نامعلوم دہشت گردوں کی جانب سے سڑک کنارے نصب بم زوردار دھماکے سے پھٹ گیا جس کے نتیجے میں دو افراد شدید زخمی ہوگئے۔

زخمیوں کو فوری طورپر بولان میڈیکل کمپلیکس منتقل کردیا گیا جہاں ڈاکٹروں کی جانب سے ایک زخمی کی حالت تشویشناک بتائی جاتی ہے۔

دھماکے کے بعد پولیس اور دیگر قانون نافذ کرنے والے اداروں کے اہلکار موقع پر پہنچ گئے۔ سی ٹی ڈی اور بم ڈسپوزل اسکواڈ کے اہلکاروں نے علاقے کو گھیرے میں لے کر موقع سے شواہد اکھٹے کئے گئے اور بم کی نوعیت کا تعین کیا جا رہا ہے کہ آیا یہ ریمورٹ کنٹرول تھا یا ٹائم ڈیوئس تھا۔