پاکستانی نوبیل انعام یافتہ ملالہ یوسفزئی نے ایک مرتبہ پھر غزہ میں فوری اور مستقل جنگ بندی کا مطالبہ کردیا۔

سماجی روابط کی ویب سائٹ ایکس پر لکھا غزہ میں اسکول پر ایک اور اسرائیلی حملے پر انتہائی پریشان ہوں، ہم عالمی انسانی قانون کی خلاف ورزیوں پر بے حسی کا مظاہرہ نہیں کرسکتے۔

انہوں نے مزید کہا کہ معصوم جانوں کے ضیاع سے منہ نہیں موڑا جاسکتا۔

اس سے قبل ملالہ نے کہا تھا کہ یہ ناقابل قبول ہے کہ غزہ کے معصوم بچے زندہ رہنے کی جدوجہد کررہے ہیں اور ان خوفناک حالات کا سامنا کررہے ہیں۔

ملالہ یوسفزئی کی جانب سے اپنے بیان میں کہنا تھا کہ مسلسل بمباری اور ڈر میں رہنا بچوں کی ذہنی اور جسمانی صحت پر تباہ کن اثرات ڈالتا ہے، پوری دنیا کو مل کر ایک ساتھ اس تشدد کو روکنے اور غزہ میں فوری جنگ بندی کا مطالبہ جاری رکھنا ہوگا۔

مزیدپڑھیں:

اسرائیل کو غزہ میں اندھا دھند حملوں کو ختم کرنا چاہیے، ملالہ پھر بول پڑیں

ملالہ یوسف زئی نے پھر غزہ میں جنگ بندی کا مطالبہ کردیا