ایف سی بلوچستان (ساؤتھ) نے نوکنڈی میں 10 ملین روپے کی چینی افغانستان اسمگل کرنے کی کوشش ناکام بنا دی، اسمگلروں کو قانونی کارروائی کے لیے کسٹم حکام کے حوالے کر دیا گیا۔

ایف سی بلوچستان (ساؤتھ) نے افغانستان چینی اسمگلنگ کی کوشش ناکام بناتے ہوئے کلی غریب آباد اور نوکنڈی میں چینی کا بڑا ذخیرہ کامیابی سے قبضے میں لے لیا۔

آپریشن کے نتیجے میں چینی کے 1,368 تھیلے ضبط کیے گئے جبکہ وزن تقریباً 70 ٹن اور قیمت موجودہ مارکیٹ ریٹ پر 10 ملین روپے ہے۔

گودام کو سیل کر کے اسمگلروں کے خلاف ایف آئی آر درج کر لی گئی ہے جبکہ ایف سی بلوچستان نے اسمگلروں کو مزید قانونی کارروائی کے لیے کسٹم حکام کے حوالے کردیا۔