راولپنڈی کی مقامی عدالت نے وزیراعلی خیبرپختونخوا علی امین گنڈاپور کی نصیرآباد مقدمے میں عبوری ضمانت منظور کرلی ہے۔

وزیراعلی خیبرپختونخواہ نصیرآباد تھانے میں درج مقدمے میں پیش ہوئے، جبکہ ایڈیشنل سیشن جج راجہ فیصل رشید نےکیس کی سماعت کی۔

علی امین گنڈا پورکے وکیل ملک فیصل پیش ہوئے موقف اپنایاکہ علی امین گنڈا پورکیخلاف مقدمہ سیاسی انتقام کی اعلی مثال ہے مقدمہ بے بنیاد ہے اورمیں شامل دفعات بھی قابل ضمانت ہیں۔

علی امین عدالت کے سامنے سرنڈرکرچکے ضمانت منظورکی جائے،عدالت نے فریقین کے دلائل مکمل ہونے پر فیصلہ محفوظ کیا جو کچھ دیر بعد سنایا گیا ہے۔

عدالت نے 20 ہزار مچلکوں کے عیوض علی امین گنڈاپورکی عبوری ضمانت مںظور کرلی ہے۔