بہاولپورکے بغداد الجدید تھانے کی حدود میں واقع گاؤں 13 سولنگ میں 5 افراد نے مبینہ طور پر وحشیانہ تشدد کے دوران ایک شخص کی آنکھیں نکال دیں۔

ڈان اخبار کی رپورٹ کے مطابق پولیس اور دیگر ذرائع نے بتایا کہ ملزمان نے گدھا گاڑی چوری کرنے کے الزام میں سفیان کو تشدد کا نشانہ بنایا۔ تشدد کے دوران ملزمان نے مبینہ طور پر اس کی آنکھیں نکال دیں۔

گھریلو تشدد کے شکار افراد کیلئے مدد مانگنے کا سائن کیا ہے ؟

پولیس ترجمان نے بتایا کہ متاثرہ سفیان کی ایک آنکھ مکمل طور پر بینائی سے محروم ہو چکی ہے جبکہ دوسری آنکھ کو شدید نقصان پہنچا ہے، اس کے جسم کے مختلف حصوں پر تشدد کے نشانات بھی تھے۔

ڈی پی او اسد سرفراز کے حکم کے بعد پولیس کی ایک ٹیم ملزمان کی گرفتاری کے لیے روانہ کی جبکہ متاثرہ کو بہاول وکٹوریہ اسپتال (بی وی ایچ) کے ایمرجنسی وارڈ میں داخل کرایا گیا۔

سفاک مالک نے ملازم بچے کو تشدد کرکے گرم تیل کی کڑاہی پر پٹخ دیا، ویڈیو وائرل

ترجمان نے بتایا کہ اس بہیمانہ جرم کے پیچھے زمین کا تنازع تھا۔ انہوں نے پانچ مشتبہ افراد میں سے اقرار حسین کے نام سے ایک مشتبہ شخص کی گرفتاری کی بھی تصدیق کی۔