نو مئی جلاؤ گھیراؤ کے چھ مقدمات میں انسداد دہشت گردی عدالت نے پی ٹی آئی رہنما شاہ محمود قریشی کی پولیس کی گاڑیاں جلانے کی تین مقدمات میں بعد از گرفتاری درخواست ضمانت پر سماعت کل تک ملتوی کر دی جبکہ دیگر مقدمات کی سماعت 3 جولائی تک ملتوی کی گئی ہے۔

عدالت نے شادمان نذر آتش کیس اورزمان پارک میں پولیس کی گاڑیاں جلانے کےمقدمہ میں ضمانت پر سماعت 3 جولائی تک ملتوی کردی جبکہ مغلپورہ میں پولیس کی گاڑیاں جلانے کے مقدمہ میں ضمانت پرسماعت4 جولائی تک ملتوی کی گئی ہے ۔

دوسری جانب انسداددہشتگردی عدالت کے ایڈمن جج خالد ارشد نے کیس کی سماعت کی جس میں عدالت نے پولیس کی گاڑیاں جلانے کی تین مقدمات میں بعداز گرفتاری درخواست ضمانت پر سماعت کل تک ملتوی کردی اور وکلاء ، پراسیکیوشن سے ضمانتوں پر دلائل طلب کر لئے۔

انسداد دہشت گردی عدالت لاہور نے جناح ہاؤس جلاؤ گھیراؤ سمیت دیگر کے مقدمات کی سماعت کی۔

شاہ ،عائشہ بھٹہ سمیت دیگر ضمانت پر رہا ملزمان عدالت پیش ہوئے، عدالت نے ضمانت پر رہا دیگر ملزمان کے پیش نہ ہونے پر برہمی کا اظہار کیا۔

عدالت نے تمام ملزمان کو آٹھ جولائی حاضری مکمل کروانے کی ہدایت کردی، ذرائع کے مطابق ملزمان کے خلاف لاہور کے مختلف اسٹیشنز پر مقدمات درج کررکھے ہیں۔