بھارتی کرکٹ ٹیم نے جنوبی افریقا کو شکست دے کر 17 سال بعد آئی سی سی مینز ٹی 20 ورلڈ کپ جیت لیا اور ساتھ ہی کروڑوں روپے کی انعامی رقم بھی حاصل کرلی۔

بھارت ٹی 20 ورلڈکپ کے فائنل میں سنسنی خیز مقابلے کے بعد جنوبی افریقا کو شکست دے کر دوسری بار ٹی 20 کا عالمی چیمپئن بن گیا۔

بھارت ٹی 20 کرکٹ کا سلطان بن گیا، ناقابل شکست ٹیم انڈیا نے 17 سال بعد ٹائٹل اپنے نام کرلیا

بھارت کے 177 رنز کے ہدف کے تعاقب میں بھارتی بولرز نے جنوبی افریقا سے جیتا ہوا میچ چھین لیا، جنوبی افریقا کی ٹیم 8 وکٹوں کے نقصان پر 169 رنز بنا سکی اور اسے 7 رنز سے شکست کا سامنا کرنا پڑا۔

بھارتی کرکٹ ٹیم نے 2007 کے بعد دوسری بار ٹی 20 ورلڈکپ کی ٹرافی اٹھائی اور اس کے ساتھ ٹورنامنٹ کی تاریخ کی سب سے بڑی انعامی رقم بھی حاصل کرلی۔

ٹی 20 ورلڈ کپ 2024 کی فاتح بھارتی ٹیم کو 24 لاکھ 50 ہزار ڈالرز یعنی 68 کروڑ پاکستانی روپے سے زائد ملے۔

ٹی ٹوئنٹی ورلڈ کپ جیتنے کے بعد ویرات کوہلی کا ریٹائرمنٹ کا اعلان

اس کے علاوہ ٹی 20 ورلڈ کپ کی رنر اپ ٹیم جنوبی افریقا کو 12 لاکھ 80 ہزارڈالرز یعنی 35 کروڑ روپے سے زائد ملے۔