لاہور ہائیکورٹ نے ساہیوال اسپتال میں آتشزدگی کے واقعے کی جوڈیشل تحقیقات کے لیے ینگ ڈاکٹر کی درخواست پر فیصلہ محفوظ کرلیا جبکہ ینگ ڈاکٹرز ایسوسی ایشن نے پنجاب بھر میں ہڑتال ختم کر دی۔

ینگ ڈاکٹر نے کہا کہ ساہیوال اسپتال میں آتشزدگی واقعے کی جوڈیشل انکوائری کروائی جائے۔

سرکاری اسپتالوں میں ڈاکٹرز اور نرسوں کا احتجاج دوسرے روز میں داخل

بعدازاں لاہور ہائیکورٹ نے ینگ ڈاکٹرز کی تحقیقات کروانے کے لیے دائر درخواست پر فیصلہ محفوظ کرلیا، جس کے بعد ینگ ڈاکٹرز ایسوسی ایشن نے پنجاب بھر میں ہڑتال ختم کردی۔

ینگ ڈاکٹرز ایسوسی ایشن کے صدر ڈاکٹر شعیب نے عدالت میں بیان دیتے ہوئے کہا کہ ڈاکٹرز کونسل نے پنجاب کے اسپتالوں میں ہڑتال ختم کرنے کا اعلان کر دیا ہے، تمام اسپتالوں میں ینگ ڈاکٹرز کو ہڑتال ختم کرنے کا کہہ دیا ہے۔

ساہیوال: ٹیچنگ اسپتال میں آتشزدگی، ایم ایس کو عہدے سے ہٹا دیا گیا

قائم مقام چیف جسٹس شجاعت علی خان نے ریمارکس دیے کہ آپ ہمارا اثاثہ ہیں، ہم عوام کی تمام چیزوں کے محافظ ہیں، آپ نے عوام کی جان کی حفاظت کرنی ہے۔