ٹی 20 ورلڈ کپ 2024 جہاں کئی وجوہات کی بنا پر سب کی توجہ حاصل کر رہا ہے، وہیں اب بھارتی کپتان کے آنسو بھی سوشل میڈیا پر وائرل ہو رہے ہیں۔

انگلینڈ اور بھارت کے مابین سیمی فائنل ویسٹ انڈیز کے پروویڈنس اسٹیڈیم میں کھیلا گیا تھا، جہاں بھارت نے انگلینڈ کو 68 رنز سے شکست دے دی ہے۔

تاہم اس سب میں بھارتی کپتان روہت شرما وائرل ہوگئے ہیں، جن کی آنکھوں میں آنسو تھے اور خود کو روک نہ سکے۔

سوشل میڈیا پر وائرل تصاویر میں دیکھا جا سکتا ہے کہ جیت کے موقع پر روہت شرما اپنا منہ چھپا کر رو رہے تھے، گویا انہیں بھی یقین نہ ہو کہ وہ جیت گئے ہیں۔

روہت شرما پاک بھارت میچ سے قبل ڈر گئے، خدشہ بھی ظاہر کر دیا

اسی تصویر میں دیکھا جا سکتا ہے کہ روہت شرما کو روتا دیکھ دیگر کھلاڑی بھی انہی کی جانب متوجہ ہوئے ہیں، جبکہ دلاسا بھی دیتے دکھائی دیے۔

ایک اور تصویر میں کھلاڑی کلدیپ روہت شرما کو تکتے دکھائی دیے، جبکہ جذباتی روہت شرما پچ کی جانب متوجہ تھے۔

میچ ہارنے پر نیتا امبانی کا روہت شرما اور ہاردک پانڈیا کو واضح پیغام

واضح رہے سیمی فائنل کے بعد اب ٹی 20 ورلڈ کپ 2024 کا فائنل بھارت اور جنوبی افریقہ کے مابین کھیلا جائے گا۔