نان فائلرز کی سمز کی بندش یا ان کے غیر ملکی دوروں پر پابندی سے متعلق حکومت نے فنانس بل 2024 میں ترامیم لانے کا فیصلہ کیا جس کے تحت نان فائلرز کو ریلیف ملے گا۔

بزنس ریکارڈر کی رپورٹ کے مطابق فنانس بل 2024 میں مجوزہ ترامیم نان فائلرز، ویلتھ اسٹیٹمنٹ، غیر ملکی اثاثوں اور ود ہولڈنگ ٹیکس سے متعلق دفعات سے متعلق ہیں۔

فنانس بل میں ترمیم، نان فائلرز کے بینک اکاؤنٹس بلاک کرنے کی تیاری

حکومت نے سینیٹ کی فنانس کمیٹی کی سفارش پر نان فائلرز کو بیرون ملک جانے سے قبل ٹیکس گوشوارے جمع کرانے کا موقع دینے کا فیصلہ کیا ہے۔ اس سے قبل ایف بی آر نے بل میں تجویز دی تھی کہ نان فائلرز کو بیرون ملک جانے کی اجازت نہیں ہوگی۔

حکومت نے یہ بھی فیصلہ کیا ہے کہ نان فائلر عمرہ یا حج پر جاسکتے ہیں، جب کہ طلبہ کو ٹیکس گوشوارے جمع کرانے سے بھی استثنیٰ حاصل ہے۔

نان فائلرز کی سمز بند کرنے کیلئے ایف بی آر کا جوائنٹ ورکنگ گروپ تشکیل

ذرائع نے بتایا کہ سینیٹ کی فنانس کمیٹی کی سفارش پر ایف بی آر نے فنانس بل میں یہ وضاحت بھی شامل کی ہے کہ شریک حیات کے اثاثے صرف اس شخص کی ویلتھ اسٹیٹمنٹ میں شامل کیے جائیں گے جب شریک حیات زیر کفالت ہو۔

اس کے علاوہ ذرائع نے بتایا کہ ایف بی آر نے کمشنر اپیل ایف بی آر سے اپیلٹ ٹریبونل میں مقدمات کی منتقلی جیسی کچھ تبدیلیاں بھی تجویز کی ہیں۔