سندھ اسمبلی میں اپوزیشن لیڈرعلی خورشیدی نے شہر میں لوڈ شیڈنگ اور گرمی کے باعث مرنے والوں کا مقدمہ کے الیکٹرک کے سی ای او کے خلاف درج کرنے کا مطالبہ کردیا۔

علی خورشیدی نے سی ای او کے الیکٹرک کو وائسرائے قرار دیتے ہوئے کہا کہ لاتوں کے بھوت باتوں سے نہیں مانتے، کےالیکٹرک والوں کو پولیس کے حوالےکریں۔

میرے تو بیوی بچے بھی نہیں، بجلی کا بل زیادہ آنے پر شیخ رشید پھٹ پڑے

علی خورشیدی نے کہا کہ وزیر داخلہ اور آئی جی سندھ سے اپیل کرتا ہوں انہیں پکڑیں، مرنے والوں کی ایف آئی آر سی ای او کے الیکٹرک کیخلاف کاٹی جائے۔

انہوں نے کہا کہ کے الیکٹرک والے سب سے بڑے بدمعاش ہیں، یہ عوام کی سنتے نہیں ہیں، ایک شخص کی سزا پورے شہر کو دی جارہی ہے۔

قومی اسمبلی، اسحاق ڈار کی تقریر کے دوران بجلی چلی گئی

علی خورشیدی کا کہنا تھا کہ وزیراعظم صاحب کراچی والے کے الیکٹرک کی بدمعاشی برداشت نہیں کرسکتے، بجلی چوری کرنے والے سو لوگوں کی سزا پورے شہر کو دی جارہی ہے، کے الیکٹرک اپنا قبلہ درست کرے ورنہ اس شہر سے بھاگے۔