جماعت اسلامی کی جانب سے کراچی کے علاقے شارع فیصل پر احتجاج کا اعلان کیا گیا ہے، جس کے پیش نظر ٹریفک پولیس نے ٹریفک پلان جاری کردیا۔

ٹریفک پولیس کے مطابق جماعت اسلامی کے احتجاج کے آج شام 5 بجے شارع فیصل پر واٹر بورڈ کے مقام پر باعث ایئر پورٹ سے آنے والی ٹریفک کو ڈرگ روڈ سے دائیں جانب راشد منہاس روڈ کی جانب موڑ دیا جائے گا۔

ٹریفک پولیس کی متبادل روٹ سے متعلق ہدایات کے تحت شارع فیصل پر ٹریفک کو کارساز فلائی اوور سے اسٹیڈیم روڈ کی طرف جبکہ سر شاہ سلیمان روڈ حسن اسکوائر سے آنے والی ٹریفک کو اسٹیڈیم فلائی اوور سے کارساز نہیں جانے دیا جائے گا۔

اسی طرح اسٹیڈیم سگنل سے ٹریفک کو دائیں جانب نیو ٹاؤن اور بائیں جانب ملینیم کی جانب موڑ دیا جائے گا۔

ٹریفک پولیس کے مطابق شارع فیصل آواری سگنل سے ایئر پورٹ تک روڈ ٹریفک کے لیے کھلا رہے گا۔