اسرائیلی طیاروں نے شمالی غزہ میں حماس رہنما اسماعیل ہنیہ کے گھر پر بمباری کی جس کے نتیجے میں ان کی بہن سمیت 10 افراد شہید ہوگئے۔

واضح رہے کہ 10 اپریل کو عید کے موقع پر بھی اسرائیلی حملے میں مزاحمتی تنظیم حماس کے سربراہ اسماعیل ہنیہ کے 3 بیٹے اور 3 پوتے شہید ہوگئے تھے۔ الجزیرہ کو انٹرویو میں اسماعیل ہنیہ نے تصدیق کی تجہ کہ اسرائیلی حملے میں ان کے بیٹے ہازم، عامر اور محمد اور ان کے پوتے بھی شہید ہوئے۔

عید پر بھی اسرائیل کی غزہ میں بمباری، اسماعیل ہنیہ کے 3 بیٹے اور 3 پوتے شہید

تازہ اطلاعات کے مطابق عرب میڈیا کے مطابق اسرائیلی طیاروں نے شمال مغربی غزہ میں شاتی مہاجر کیمپ کو نشانہ بنایا، اس حملے میں اسماعیل ہنیہ کے 3 بیٹے اور 3 پوتے شہید ہوگئے۔

عرب میڈیا کے مطابق شہید ہونے والوں میں گھر کے دیگر افراد بھی شامل ہیں۔ علاوہ ازیں اسرائیلی نے پناہ گیزن اسکول اور امداد کے منتظر فلسطینیوں پر بھی حملے کیے۔

اسرائیلی اخبار کا اسماعیل ہانیہ کے خاندان کے 14 افراد کی شہادت کا دعویٰ

تفصیلات کے مطابق اسرائیلی فوج نے پناہ گزین اسکول پر حملہ کر کے 16 فلسطینی شہید کردیے جبکہ غزہ میں امداد کے منتظر فلسطینیوں پر حملے میں مزید 8 فلسطینی شہید ہو گئے۔

شہدا کی مجموعی تعداد37 ہزار658 ہوگئی جبکہ 86 ہزار237زخمی ہیں۔