گرمی کی شدت میں اضافے کے ساتھ جہاں انسانی جانوں کا ضیاع ہو رہا ہے وہیں جانور بھی متاثر ہو رہے ہیں ۔

نارووال کے فیض احمد پارک میں انتظامیہ کی مبینہ غفلت اور پانی نہ ہونے سے نایاب نسل کا ہرن ہلاک ہوگیا، مردہ ہرن پانی کے خشک تالاب کے قریب سے ملا ہے جسکی تصاویر سوشل میڈیا پر وائرل ہوگئیں۔

شہریوں نے انتظامیہ کے خلاف کارروائی کا مطالبہ کیا ہے۔ چیف آفیسر بلدیہ کا کہنا ہے کے ہرن چند دنوں سے بیمار تھا جس وجہ سے ہلاکت ہوئی ۔