کوٹ ادو احتجاجی ریلی کے دوران پی ٹی آئی کارکنوں کی جانب سے پولیس کانسٹیبل کو مبینہ محبوس بنانے پر ایم پی اے سمیت 49 افراد کے خلاف مقدمہ درج کرلیا۔

کوٹ ادومیں گزشتہ روز تحریک انصاف کے کارکنوں کی جانب سے ڈیرہ شبیر علی قریشی سے احتجاجی ریلی نکالی گئی ۔دوران ریلی ایم پی اے احسن علی قریشی اور دیگر کارکنان نے ڈیوٹی پر موجود پولیس کانسٹیبل کو محبوس بنا کر ڈیرے پر لے گئے اور اسکی جیب سے مبینہ ہزاروں کی رقم اور سروس کارڈ بھی نکال لیا۔

ترجمان پولیس کے مطابق ضلع بھر میں دفعہ 144 کا نفاذ تھا جسکی خلاف ورزی کرتے ہوئے پی ٹی آئی کارکنان نے ریلی نکالی اور ریاست مخالف شدید نعرے بازی بھی کی۔

پولیس نے ایم پی اے سمیت 49 افراد کے خلاف مقدمہ درج کر دیا اور متعدد کو پابند سلاسل کر دیا گیا۔