محمود اسلم ایک تجربہ کار اداکار ہیں، جو گزشتہ چار دہائیوں سے انڈسٹری میں کام کر رہے ہیں۔ انہوں نے تھیٹر، ڈراموں اور فلموں میں کام کیا ہے اور انہیں ان کے سنجیدہ کرداروں اور سب سے طویل عرصے تک چلنے والے سٹ کام ”بلبلے“ میں ان کے کام کی وجہ سے پسند کیا جاتا ہے۔

محمود اسلم نے اس ملک اور انڈسٹری کے تمام مراحل دیکھے ہیں اور ان کے پاس اس بارے میں کہنے کے لیے بہت کچھ ہے۔

افتخار ٹھاکر نے مرحوم قوی خان کے فلاحی پہلو کا انکشاف کر دیا

وہ ایک پوڈ کاسٹ میں مہمان تھے اور انہوں نے اس بارے میں بات کی کہ کس طرح انہوں نے ہمیشہ اپنے ملک سے محبت کی ہے اور پاکستان ان کے دل میں ہے۔ انہوں نے کہا کہ موقع ملنے کے باوجود انہوں نے اپنا ملک نہیں چھوڑا اور یہیں رہنے کو ترجیح دی۔

ان کا مزید کہنا تھا کہ اپنی تمام تر محبت کے باوجود وہ نہیں سمجھتے کہ پاکستانیوں کے پاس فخر کرنے کے لیے بہت کچھ ہے۔اگر آپ بیرون ملک جاتے ہیں تو آپ کو ہوائی اڈوں پر دھکیل دیا جاتا ہے اور ذلت کا سامنا کرنا پڑتا ہے۔

پاکستان میں کچھ بھی کام نہیں ہورہا ہے اور حکمرانوں نے ہمارے وطن کے ساتھ جو کچھ کیا ہے اس پر ان کا دل خون کے آنسو روتا ہے لیکن اس وقت ہمارے پاس فخر کرنے کے لئے کچھ بھی نہیں ہے۔

انہوں نے مزید بتایا کہ کس طرح ہندوستانی اداکار پاکستانی اداکاروں سے بہتر ہیں، کیونکہ انہیں ہمیشہ اپنے ملک سے بہت حمایت ملی ہے۔ محمود نے کہا کہ اگر ہمیں منصفانہ معاوضہ دیا جاتا اور ہمارے ساتھ گارڈز بھی سوار ہوتے تو ہم شاہ رخ یا سلمان کی طرح نظر آتے۔ یہاں فنکاروں کا استحصال کیا جاتا ہے ، میزبان نے بھی اس سے اتفاق کیا۔