ٹوبہ ٹیک سنگھ کے علاقے پیرمحل میں شہریوں نے حکومت کی جانب سے مفت سولر پینل دینے کا وعدہ کرکے لوگوں سے پیسے بٹورنے والے 2 افراد محمد تحسین اور شاہد اقبال کو پکڑ کر پولیس کے حوالے کردیا۔

میڈیا رپورٹس کے مطابق دونوں افراد نے خود کو سرکاری اہلکار ظاہر کیا، مسجد کے لاؤڈ اسپیکر کے ذریعے اعلانات کیے اور بینک آف پنجاب سے درخواست فارم تقسیم کیے، فی فارم 300 روپے وصول کیے گئے۔

مقامی لوگوں نے بتایا کہ مشتبہ افراد کئی دنوں سے شہری اور دیہی علاقوں کو نشانہ بناتے ہوئے اس فراڈ کو انجام دے رہے تھے۔