سندھ سیکریٹریٹ محکمہ اطلاعات کےآفس میں لگنے والی آگ پر قابو پالیا گیا۔

فائر بریگیڈ حکام کے مطابق آگ محکمہ اطلاعات کے فیسلیٹیشن سینٹر میں لگی تھی، جس پر قابو پا لیا گیا ہے، کولنگ کا عمل جاری ہے۔

حکام کے مطابق آگ لگنے سے کسی قسم کا کوئی جانی نقصان نہیں ہوا۔

آتشزدگی کے واقعہ پر وزیراطلاعات سندھ شرجیل انعام میمن کا بیان بھی سامنے آگیا، وزیراطلاعات نے بتایا کہ تمام ریکارڈ محفوظ ہیں۔ جبکہ پولیس کی بھاری نفری موقع پر موجود بھی ہے۔