اسلام آباد ہائی کورٹ نے وفاقی تحقیقاتی ادارے (ایف آئی اے) کو چیئرمین پاکستان تحریک انصاف (پی ٹی آئی) بیرسٹر گوہر اور ترجمان رؤف حسن کے خلاف تادیبی کارروائی اور ہراسں کرنے سے روک دیا۔

اسلام آباد ہائی کورٹ میں شیخ مجیب الرحمٰن ویڈیو بیان کیس میں جسٹس محسن کیانی نے ایف آئی اے طلبی نوٹسز کےخلاف تحریری حکم جاری کر دیا۔

عدالت نے ایف آئی اے کو نوٹس جاری کرتے ہوئے 25 جون تک جواب طلب کر لیا۔

عدالت عالیہ اسلام آباد نے بیرسٹر گوہر اور رؤف حسن کو ایف آئی اے کے سامنے پیش ہونے کا کہا اور ساتھ حکم دیا کہ ایف آئی اے دونوں کو نہ ہراساں کرے اور نہ ہی تادیبی کارروائی کرے۔

اسلام آباد ہائیکورٹ نے پی ٹی آئی رہنماؤں بیرسٹر گوہر اور رؤف حسن سے کہا کہ وہ ایف آئی اے میں پیش ہوکر اپنا بیان ریکارڈ کرائیں۔