آئی سی سی ٹی 20 کرکٹ ورلڈ کپ میں پاکستان اور بھارت کے درمیان ہائی وولٹیج ٹاکر 9 جون کو امریکا کے شہر نیو یارک میں ہوگا۔

پاکستان اور بھارت کے درمیان 9 جون کو ہونے والے انٹرنیشنل کرکٹ کونسل (آئی سی سی) ٹی ٹوئنٹی ورلڈ کپ کے میچ میں اضافی سیکیورٹی کی تعیناتی کی تصدیق کردی گئی۔

نساؤ کاؤنٹی کے ایگزیکٹو بروس بلیکمین نے کہا ہے کہ پاک بھارت میچ کے لیے اضافی سیکیورٹی ہو گی، نساؤ کاؤنٹی ہر لحاظ سے تیار ہوگی، ہم میچ کے لیے پُراعتماد ہیں۔

ٹی 20 ورلڈ کپ: پاک بھارت میچ کے ٹکٹ کی قیمت ایک کروڑ روپے سے زیادہ

آئی سی سی نے شائقین کرکٹ کو بڑی خوشخبری سناتے ہوئے ورلڈ کپ کے دوران پاک بھارت ٹاکرے سمیت دیگر بڑے میچز کے لیے اضافی ٹکٹیں جاری کر دیں۔

آئی سی سی نے شراکت داروں کے تعاون سے ورلڈکپ کے تمام بڑے میچز کے لیے اضافی ٹکٹ جاری کر دیے ہیں تاکہ زیادہ سے زیادہ کرکٹ فینز اس تاریخی ایونٹ کا حصہ بن سکیں، یہاں یہ امر قابل ذکر ہے کہ 9 جون کو پاکستان اور بھارت کے درمیان بڑا ٹاکرا ہونے جارہا ہے اور اس میچ کے لیے بھی خصوصی اضافی ٹکٹیں جاری کی گئیں ہیں۔

ہائی وولیٹیج میچ پاکستانی وقت کے مطابق شام ساڑھے 7 بجے منعقد ہوگا۔

ٹی 20 ورلڈ کپ: امریکا نے پاک بھارت ہائی وولٹیج مقابلے کی تیاریاں مکمل کرلیں

مقامی محکمہ موسمیات کے پیشگوئی کے مطابق 9 جون کو نیویارک میں شام کے وقت ہلکی پھلکی بوندا باندی کا امکان ہے تاہم اس سے میچ کے متاثر ہونے کا امکان نہ ہونے کے برابر ہے کیونکہ پاک بھارت میچ نیویارک کے مقامی وقت کے مطابق صبح ساڑھے 10 بجے ہوگا۔