بیرونی تجارت میں پاکستان کا خسارہ 15 فیصد کم ہوگیا۔ اعداد و شمارکے مطابق رواں مالی سال کے 11 ماہ میں 21 ارب 70 کروڑ ڈالر تجارتی خسارہ ہوا۔

ادارہ شماریات پاکستان کے مطابق گزشتہ مالی سال کے 11 ماہ میں 25 ارب 60 کروڑ ڈالر خسارہ ہوا تھا، جولائی سے مئی 2024 کے دوران برآمدی مالیت 10.6 فیصد اضافے سے 28 ارب 10 کروڑ ڈالر رہی۔

ادارہ شماریات پاکستان کے مطابق درآمدات کا حجم 2.3 فیصد کمی سے 49 ارب 80 کروڑ ڈالر رہا، مئی 2024 میں برآمدات 2 ارب 79 کروڑ ڈالر جبکہ درآمدات 4 ارب 90 کروڑ ڈالر رہیں، اس طرح مئی میں 2 ارب 10 کروڑ ڈالر کا تجارتی خسارہ ہوا