فرانسیسی پارلیمنٹ نے بائیں بازو کے ایک رکن پارلیمنٹ کو ایوان میں فلسطین کا جھنڈا لہرانے پر دو ہفتوں کے لیے معطل کر دیا

غیر ملکی میڈیا کے مطابق جنوبی شہر مارسیلی سے ریڈیکل لیفٹ فرانس انبوڈ (ایف ایف آئی) کے رکن پارلیمنٹ سیبسٹین ڈیلوگو نے حکومت سے فلسطین کو تسلیم کرنے سے متعلق سوال کے دوران فلسطین کا جھنڈا لہرایا۔

پارلیمنٹ کے اسپیکر نے رکن پارلیمنٹ کے عمل کو ”ناقابل قبول“ قرار دے کر اس کی مذمت کی اور دو ہفتوں کے لیے معطل کردیا۔

دو ہفتوں کے لیے معطل کیے گئے رکن پارلیمنٹ ’وکٹری‘ کا سائن بناتے ہوئے ایوان سے چلے گئے۔ خیال رہے کہ رکن پارلیمنٹ کی معطلی اس دن عمل میں آئی جب اسپین، آئرلینڈ اور ناروے نے باضابطہ طور پر فلسطینی ریاست کو تسلیم کیا ہے۔