اسٹیٹ بینک آف پاکستان نے 28 مئی کو یوم تکبیر کی مناسبت سے عام تعطیل کا اعلان کیا اس اعتبار سے تمام بینکنگ سروسز بشمول بینکنگ سروسز کارپوریشن اور ملک بھر میں اس کے ذیلی دفاتر آج بند رہیں گے۔

پاکستان اسٹاک ایکسچینج بھی 28 مئی کو عام تعطیل کے باعث بند رہے گی۔

واضح رہے کہ وزیراعظم شہبازشریف نے 28 مئی یوم تکبیر پرملک بھر میں سرکاری چھٹی کا اعلان کیا تھا، یوم تکبیر کی چھٹی کے حوالے سے کابینہ ڈویژن نے نوٹیفکیشن جاری کیا تھا۔ جبکہ تمام صوبوں نے بھی عام تعطیل کا اعلان کیا، سندھ میں میٹرک کا آج ہونے والا پرچہ ملتوی کردیا گیا۔