وزارت خزانہ نے نئے مالی سال کے وفاقی ترقیاتی بجٹ کی حد 1200 ارب روپے رکھنے کا فیصلہ کیا ہے۔

ذرائع کے مطابق ترقیاتی بجٹ کی تجاویز وزارت خزانہ کی مقررہ حد کے اندر رہ کر تیار کی جائیں گی جبکہ وزارت منصوبہ بندی نے نئے مالی سال کے لیے ترقیاتی بجٹ کی تیاری پر کام شروع کردیا۔

ذرائع کے مطابق من و عن ترقیاتی بجٹ مختص ہونے پر رواں مالی سال کے مقابلے 260 ارب روپے کا اضافہ بنے گا، وزارت منصوبہ بندی نے نئے مالی سال کے لیے 1140 ارب روپے کا ترقیاتی بجٹ مانگا تھا، وزارتوں، ڈویژنز نے 2900 ارب روپے سے زائد کی ڈیمانڈ کی تھی۔

ذرائع کے مطابق وزارتوں اور ڈویژنز کی تمام تجاویز کو ترقیاتی بجٹ کا حصہ نہیں بنایا جائے گا اور آئندہ مالی سال کے بجٹ میں جاری منصوبے اور ان کی تکمیل پہلی ترجیح ہوگی جبکہ بجٹ میں وزارتوں، ڈویژنز کے ترجیحاتی منصوبوں کے لیے فنڈز رکھے جائیں گے۔ علاوہ ازیں منصوبوں کے معیار کو دیکھ کر ترجیحات کا تعین کیا جائے گا۔