کراچی کے علاقے برنس روڈ پر فائرنگ سے ایک شخص جان سے گیا، شہر قائد میں رات گئے مختلف پولیس مقابلوں میں ایک ملزم مارا گیا جبکہ 10 زخمی سمیت 13 ملزمان کو گرفتار کر لیا گیا۔

پاک کالونی، پرانا گولیمار مبینہ پولیس مقابلہ میں لیاری گینگ وار کمانڈر کاشف ڈاڈا گروپ کے 3 ملزمان کو زخمی حالت میں گرفتار کرلیا جبکہ ایک ملزم اسپتال منتقلی کے دوران ہلاک ہو گیا۔

کراچی کے علاقے برنس روڈ پر نامعلوم افراد کی فائرنگ سے چائے خانے کا مالک مارا گیا۔

پولیس حکام کا کہنا ہے کہ واقعہ ٹارگٹ کلنگ معلوم ہوتا ہے۔

کراچی کے علاقے اتحاد ٹاؤن، نارتھ ناظم آباد، جمشید کوارٹر، کٹی پہاڑی، کلفٹن اورگلشن حدید میں مبینہ پولیس مقابلوں میں زخمی سمیت 10 ملزمان کو گرفتار کرلیا۔