کولمبیا نے فلسطین کے رملہ میں اپنا سفارت خانہ کھولنے کا اعلان کردیا۔

غیرملکی خبررساں ادارے ’اے ایف پی‘ کے مطابق کولمبیا کے وزیر خارجہ لوئیس موریلو نے صحافیوں کو بتایا کہ صدر گستاو پیٹرو نے ہدایات دی ہیں کہ ہم مغربی کنارے میں رملہ میں کولمبیا کا سفارت خانہ قائم کریں۔

واضح رہے کہ کولمبیا کے صدر اسرائیی وزیراعظم بینجمن نیتن یاہو کے سخت ناقد ہیں اور انہوں نے غزہ میں اسرائیل کی مہم کو ”نسل کشی“ قرار دیا ہے۔

یہ اعلان اسی دن سامنے آیا جب آئرلینڈ، ناروے اور اسپین نے اعلان کیا کہ وہ فلسطینی ریاست کو تسلیم کریں گے، غزہ کے تباہ کن حملے کو 7 ماہ سے زیادہ کا عرصہ گزر چکا ہے۔