ڈسٹرکٹ اینڈ سیشن کورٹس اسلام آباد نے سابق وزیراعظم آزاد کشمیر سردار تنویرالیاس کا 3 روزہ جسمانی ریمانڈ منظور کرلیا

سردارتنویرالیاس کےخلاف ڈسٹرکٹ سیشن کورٹس میں سماعت ہوئی، تنویرالیاس کوسول جج عباس شاہ کی عدالت میں پیش کیا گیا۔

سینٹورس مال پر حملے کا الزام، سابق وزیراعظم آزاد کشمیر سردار تنویر الیاس کیخلاف مقدمہ

ایف آئی اے نے تنویرالیاس کے8 روزہ جسمانی ریمانڈ کی استدعا کی، ایف آئی اے نے کہا کہ تنویرالیاس نےڈپلومیٹک پاسپورٹ استعمال کیا، تنویرالیاس نےڈپلومیٹک پاسپورٹ پرسعودیہ کادورہ کیا، وزیراعظم کا عہدہ چھوڑنے کے بعد پاسپورٹ استعمال نہیں کرسکتے تھے۔

ایف آئی اے پراسیکیوٹر نے مزید کہا کہ تنویر الیاس کا پاسپورٹ کینسل کیا گیا مگر انہوں نے تاحال واپس نہیں کیا، پاسپورٹ ریکور کروانا ہے 8 دن کا ریمانڈ دیا جائے۔

وکیل صفائی نے مؤقف اختیار کیا کہ تنویرالیاس سابق وزیر اعظم ہیں ڈپلومیٹک پاسپورٹ استعمال کر سکتے ہیں، تنویر الیاس نے ڈپلومیٹک پاسپورٹ پر بس سعودی عرب کا دورہ کیا۔

عدالت نے آزاد کشمیر کے سابق وزیر اعظم تنویر الیاس کو جیل بھیج دیا

انہوں نے کہا کہ پاسپورٹ ریکورکیلئے ریمانڈ مانگا گیا ہم پاسپورٹ عدالت میں پیش کرتے ہیں۔ ایف آئی اے پراسیکیوٹر نے کہا کہ ملزم نے پاسپورٹ نکال کر جرم کا اقرار کیا ہے۔

بعدازاں عدالت نے سابق وزیراعظم آزاد کشمیر سردار تنویرالیاس کا 3 روزہ جسمانی ریمانڈ منظور کرلیا۔