وزیراعظم شہباز شریف جون کے پہلے ہفتے چین جائیں گے، کابینہ ارکان، اعلی سرکاری حکام بھی وزیراعظم کے ہمراہ ہوں گے جبکہ چینی صدر سے ملاقات، سی پیک کے اگلے مرحلے میں دو طرفہ تعاون اور دہشت گردی کے خلاف تعاون پر مشاورت بھی ہوگی۔

ذرائع کے مطابق وزیراعظم شہباز شریف 4 سے 7 جون کے درمیان چین کا 4 روزہ دورہ کریں گے، چینی صدر شی جن پنگ کے ساتھ مذاکرات ہوں گے، متعدد معاہدوں پر دستخط ہوں گے۔

ملاقات میں پاکستان اور چین کے درمیان سی پیک کے اگلے مرحلے میں تعاون پر بھی بات چیت ہوگی، جنوبی ایشیا میں سلامتی، افغانستان، دہشت گردی کے خلاف تعاون پر مشاورت، چینی وزیراعظم ، سرمایہ کاروں کے ساتھ تبادلہ خیال بھی ہوگا۔