شاہ لطیف ٹاؤن میں بچہ گٹر میں گرکر جاں بحق ہونے کے واقعے کا مقدمہ ڈی سی ملیر اور ایم ڈی اے افسران کے خلاف درج کرنے کا حکم دیا گیا ہے۔

بچے کے دادا کی درخواست پر یہ حکم ایڈیشنل سیشن جج ملیر نے دیا ہے۔ عدالت نے پولیس کو حکم دیا ہے کہ ایک ای این اور ڈپٹی ڈائریکٹر ملیرڈویلپمنٹ اتھارٹی پر مقدمہ درج کیا جائے۔

عدالت نے یوسی شاہ لطیف کےچیئرمین، وائس چیئرمین اور سیکریٹری پربھی مقدمہ درج کرنے کا حکم دیا ہے۔

کم سِن محسن 21 مارچ کو کھلے گٹر میں گر کر جاں بحق ہوا تھا۔ بچے کے دادا نے انتظامیہ کی غفلت کے حوالے سے درخواست دائر کی تھی۔